Հունաստանի ԱԳՆ-ը վրդովված է Ստամբուլում Սուրբ Սոֆիայի Կայսերական դարպասների հանդեպ վանդալիզմից

Հունաստանի արտաքին գործերի նախարարությունն իր «զզվանքն ու տխրությունն» է հայտնել Ստամբուլում Սուրբ Սոֆիայի Կայսերական դարպասների դեմ «վանդալիզմի» մասին հաղորդումներից հետո։

«Մենք իրավասու մարմիններին կոչ ենք անում անել ամեն ինչ՝ մեղավորներին պատասխանատվության ենթարկելու, ինչպես նաեւ հուշարձանին հասցված վնասները անհապաղ վերացնելու համար»,- ասվում է նախարարության հայտարարության մեջ, հայտնում է Kathimerini-ն։

Ավելի վաղ Twitter-ում Թուրքիայի Արվեստների պատմության միությունը հրապարակել էր 15-րդ դարի դռան վնասված լուսանկարը։

Կայսերական դարպասները Բյուզանդական կայսրության ամենակարեւոր եկեղեցու գլխավոր մուտքն է, որն ի սկզբանե օգտագործվել է բացառապես կայսեր կողմից:

Ավանդույթի համաձայն՝ դռները պատրաստվել են Նոյյան տապանի կաղնուց։

https://news.am/arm/news/697591.html