Զաքիր Հասանովը հանդիպել է Թուրքիայի գլխավոր շտաբի հետախուզության պետի հետ

Ապրիլի 12-ին Ադրբեջանի պաշտպանության նախարար Զաքիր Հասանովը հանդիպել է Թուրքիայի գլխավոր շտաբի հետախուզության պետ Ռաֆեթ Դալքըրանի գլխավորած պատվիրակության հետ, հայտնում է Minval.az-ը:

Հասանովը նշել է, որ Ադրբեջանի նախագահ Իլհամ Ալիևի հրամանով շարունակվում են բարեփոխումները՝ ադրբեջանական բանակը Թուրքիայի զինված ուժերի չափանիշներին համապատասխանեցնելու համար։

Դալքըրանը, իր հերթին, ընդգծել է նման հանդիպումների կարևորությունը փոխադարձ համագործակցության ընդլայնման տեսանկյունից։

https://www.tert.am/am/news/2022/04/12/region/3789085