«Տարածաշրջանի երկրները պետք է ձգտեն խաղաղության և կայունության. Անկարան պատրաստ է իր ներդրումն ունենալ այս գործընթացում». Թուրքիայի ՊՆ

Թուրքիան հույս ունի, որ Ուկրաինայի և ՆԱՏՕ-ի հետ Ռուսաստանի հարաբերություններում առկա լարվածությունը խաղաղ կարգավորում կստանա: Այս մասին երկուշաբթի հայտարարել է Թուրքիայի ազգային պաշտպանության նախարար Հուլուսի Աքարը՝ Թուրքիայի զինված ուժերի գլխավոր շտաբի պետ Յաշար Գյուլերի և ռազմական ճյուղերի հրամանատարների մասնակցությամբ հանդիպմանը, հայտնում է «Անադոլու» գործակալությունը:

«Կարծում ենք, որ կողմերը պետք է խուսափեն առճակատումից և հիմնվեն միջազգային իրավունքի տառի վրա։ Մենք մեր դիրքորոշումը հայտնում ենք բոլոր կողմերին։ Մենք կարծում ենք, որ տարածաշրջանի երկրները պետք է ձգտեն խաղաղության և կայունության։ Անկարան պատրաստ է իր ներդրումն ունենալ այս գործընթացում»,- ասել է Աքարը։

https://www.tert.am/am/news/2021/12/20/akar/3744717