Ադրբեջանն ու Թուրքիան շարունակում են հավակնել Իրանի տարածքին

Թուրքիայի Քոջաելի նահանգում, այսպես կոչված, «Հարավային Ադրբեջանի անկախության օրվա» տարեդարձին (Իրանի հյուսիսարևմտյան նահանգներ` Արևելյան և Արևմտյան Ադրբեջանն ու Արդաբիլը) տեղի է ունեցել գիտաժողով «Հարավային Ադրբեջանը Իրան չէ» թեմայով. հայտնում է Infoteka24-ը։

Հակաիրանական միջոցառումը տեղի է ունեցել Թուրքիայի իշխող Արդարություն և զարգացում կուսակցության նահանգային կառույցի ղեկավար Յունուս Ամրեհի և նահանգի «Ուլքյու Օջաքլարը» աջ ազգայնական կազմակերպության քարտուղարի ու այլոց մասնակցությամբ։

Կոնֆերանսի ժամանակ թուրք ուսանողները ծանոթացել են, այսպես կոչված, «Հարավային Ադրբեջանի» (Իրանի հյուսիս) և «Ադրբեջանի ազգային շարժման» հետ, որն անջատողական և պանթուրքական շարժում է՝ ուղղված Իրանի դեմ, և վայելում է Թուրքիայի և Ադրբեջանի  աջակցությունը։

Կոնֆերանսում բազմաթիվ հակաիրանական ուղերձներ են հնչել, որոնցից մեկն էլ Իրանի տարածքների նկատմամբ պանթուրքական հավակնություններն են։

http://yerkir.am/news/view/256074.html