Թուրքիայում նոր սոցհարցումները հետաքրքիր պատկեր են ֆիքսել

Թուրքիայում Metropoll հետազոտական ընկերությունը սոցհարցում է իրականացրել, թե որ կուսակցությանը ձայն կտան քաղաքացիները, եթե առաջիկա կիրակի լինեին ընտրությունները։

Թուրքական T24 կայքի փոխանցմամբ՝ սոցհարման մասնակիցների 34.3 տոկոսը նախընտրել է իշխող Արդարություն եւ զարգացում կուսակցությանը,  22.6–ը ընդդիմադիր Ժողովրդահանրապետական,  14.9–ը՝ Լավ կուսակցությունը,  12.8՝ քրդական Ժողովուրդների դեմոկրատական կուսակցությունը եւ 6.6` Ազգայնական շարժում կուսակցությունը։

Նշենք, որ 2018–ի ընտրությունների համեմատ` այս սոցհարցման արդյունքներով իշխող կուսակցության վարկանիշն իջել է, ընդդիմադիր Ժողովրդահանրապետական կուսակցությանը մնացել է նույնը, իսկ Լավ կուսակցության վարկանիշն աճել է 5 տոկոսով։