Թուրքիայի քրդամետ Ժողովուրդների դեմոկրատական կուսակցության (HDP-ԺԴԿ) պատգամավոր Նուսրեթթին Մաչինը կարգապահական տույժի է ենթարկվելու մեջլիսում «Քուրդիստան» բառն օգտագործելու համար:
Քուրդ պատգամավորը բյուջեի քննարկումների ժամանակ ունեցած ելույթում մասնավորապես ասել է. «Ապագան մենք ենք կառուցելու: Նոր Թուրքիան կառուցելիս ժողովուրդների եղբայրությունն ու միասնությունը մենք ենք ապահովելու: Իշխանության ենք գալու «Թուրքիային՝ ժողովրդավարություն ու խաղաղություն, Քուրդիստանին՝ ազատություն» կարգախոսով»:
Մաչինի այս խոսքերից հետո խորհրդարանի (մեջլիսի) փոխնախագահ և Սուրրեյա Սադի Բիլգիչը բոլոր խմբակցությունների ղեկավարների մասնակցությամբ քննարկում է անցկացրել: Արդյունքում մի առաջարկ է դրվել քվեարկության, որով արձանագրվել է պատգամավորի օրենսդրական անձեռնմխելիությունը, միևնույն ժամանակ արգելվել է այդ խոսքերը խորհրդարանից դուրս արտասանել:
Մեկ այլ քվեարկությամբ էլ պատգամավորին արգելվել է մասնակցել խորհրդարանի հաջորդ 3 լիագումար նիստերին:
Ermenihaber.am
Leave a Reply