ՌԴ եւ Թուրքիայի ԱԳ նախարարությունները քննարկել են «3+3» մեխանիզմի գործարկման հարցը

Ռուսաստանի փոխարտգործնախարար Անդրեյ Ռուդենկոն եւ նրա թուրք գործընկեր Սեդաթ Օնալը քննարկել են «3+3» մեխանիզմի գործարկման հարցը։

ՌԴ ԱԳՆ-ը տեղեկացնում է, որ «Բաքվի եւ Երեւանի միջեւ հարաբերությունների կարգավորման համատեքստում նշվել է Ռուսաստանի, Ադրբեջանի եւ Հայաստանի ղեկավարների 2020 թ. նոյեմբերի 9-ի եւ 2021 թ. հունվարի 11-ի եռակողմ պայմանավորվածությունների հետեւողական կատարման կարեւորությունը։ Ընդգծվել է առաջիկայում Հարավային Կովկասի տարածաշրջանային «3+3» «(Ադրբեջան, Հայաստան, Վրաստան գումարած Ռուսաստան, Թուրքիա, Իրան)» խորհրդատվական մեխանիզմի գործարկման արդիականությունը։

Տեղի է ունեցել մտքերի առարկայական փոխանակում Կենտրոնական Ասիայում տիրող իրավիճակի շուրջ, այդ թվում՝ հաշվի առնելով Աֆղանստանի վերջին իրադարձությունները։

Կատարվել է ժամանակի համապատասխանեցում մի շարք այլ հարցերի շուրջ, որոնք վերաբերում են ԱՊՀ տարածքում իրադրությանը, մասնավորապես՝ Ուկրաինայում տիրող իրավիճակին։

Արձանագրվել է ռուս-թուրքական բազմակողմ փոխգործակցության անշեղ զարգացում։

https://news.am/arm/news/672550.html