Թուրքիայում գտնվող Այզանոյ անտիկ քաղաքում պեղումների ժամանակ հայտնաբերվել են Աֆրոդիտեի և Դիոնիս աստվածների արձանների գլուխները։
Այզանոյ քաղաքը հիմնադրվել է բրոնզե դարում։ Հելլենիստական դարաշրջանում համարվել է քաղաքական ու տնտեսական կենտրոն։ Մ․թ․ա 133 թվականին քաղաքը դարձել է հռոմեական Ֆրիգիյա Պակատիանա պրովինցիայի մաս։ Մինչ մեր օրերը Այզանոյում պահպանվել են Զևսի տաճարը, ամֆիթատրոնը և շուկայի ավերակները։
Ավելի վաղ պեղումների ընթացքում Այզանոյում հայտնաբերվել է հին հունական դիցաբանության մեջ առողջության աստվածուհի Հիգեայի արձանը։
Ըստ հնագետների՝ այս գտածոները փաստում են, որ տարածաշրջանում գործել է քանդակագործության բարձրակարգ արվեստանոց։ Ինչպես նաև այս ամենը վկայում է, որ նույնիսկ հռոմեական դարաշրջանում Այզանոյի բնակիչները շարունակում էին երկրպագել հունական աստվածներին։
https://www.shantnews.am/news/view/1016374.html?fbclid=IwAR3TbZ1BGboKSsgAe8u6FcjAVF1P7JCOMAgUsvsEk7CH_avUD5S76Y9vrg0
Leave a Reply