Բայդենի վարչակազմը լավ զգացմունքներ չունի Թուրքիայի հանդեպ. «գորշ գայլերի» ղեկավար

Թուրքիայի Ազգայնական շարժում կուսակցությունը (MHP) մոբիլիզացնում է իր ուժերը՝ ուղարկելով պաշտոնյաներին՝ հանդիպելու հասարակության բոլոր խավերի մարդկանց հետ՝ նախապատրաստվելով 2023 թ. կայանալիք նախագահական և խորհրդարանական ընտրություններին. ասել է կուսակցության առաջնորդ Դևլեթ Բահչելին:

«Մենք կդիմենք հասարակական կազմակերպություններին, համայնքների ղեկավարներին, գործարարներին և ֆերմերներին՝ լսելու նրանց ասելիքը, պատասխանելու նրանց հարցերին և պատմելու մեր քաղաքականության և նպատակների մասին: Մենք կանգ չենք առնելու մինչև 2023 թ. Թուրքիայի ապագան կառուցելու և մեր միասնությունն ամրապնդելու ճանապարհին»,- նրա ելույթը նոյեմբերի 2-ին կուսակցության խորհրդարանական խմբի նիստում մեջբերում է Hurriyet-ը։

Իշխող Արդարություն և զարգացում կուսակցությունը (AKP) և MHP-ն ստեղծել են Ժողովրդական դաշինք և մասնակցել նախորդ ընտրություններին ընդդեմ Ազգային դաշինքի, որը ներառում է հիմնական ընդդիմադիր Հանրապետական ժողովրդական կուսակցությունը (CHP), Լավ կուսակցությունը, Երջանկության կուսակցությունը և Դեմոկրատական կուսակցությունը (DP).

Ելույթում ազգայնականների առաջնորդը նաև քննադատել է ԱՄՆ-ին՝ Անկարայի կողմից ռուսական Ս-400 հրթիռային համակարգը գնելուց հետո իր դիրքորոշումը փոխելու համար։

«Բայդենի վարչակազմն ակնհայտորեն լավ տրամադրվածություն չունի Թուրքիայի նկատմամբ մի շարք հարցերում իր դիրքորոշման պատճառով, այդ թվում՝ Ռուսաստանից Ս-400-ի ձեռք բերման հարցում: Ս-400-ի խնդիրը մեր ինքնիշխանության շրջանակներում է, և ինչ-որ մեկի անփութությունը այս խնդրում Թուրքիայի ուղեգիծը որոշելու հարցում անպատասխան չի մնա»,- ընդգծել է Բահչելին:

https://yerkir.am/news/view/252387.html