Բուլղարիան զորք է կենտրոնացրել Թուրքիայի հետ սահմանին

Բուլղարիան 350 զինծառայող է տեղակայել Թուրքիայի հետ սահմանին, որպեսզի ոստիկաններին օգնեն զսպել անօրինական միգրանտների աճող հոսքը։ Այս մասին bTV հեռուստաալիքի եթերում հայտնել է երկրի պաշտպանական գերատեսչության ղեկավար Գեորգի Պանայոտովը. հայտնում է Interfax-ը։

«Զինծառայողները այսօր ժամանել են բուլղար-թուրքական սահման՝ աջակցելու սահմանապահներին»,- ասել է նախարարը։

Պանայոտովը նաև ընդգծել է, որ սահմանին գտնվում է 40 միավոր տեխնիկա։

Նշվում է, որ ընթացիկ տարվա ընթացքում Բուլղարիայի սահմանն ապօրինի հատել է ավելի քան 6,5 հազար մարդ, ինչը 3 անգամ ավելի է, քան 2020 թվականի 9 ամսում երկիր մուտք գործած անօրինական ներգաղթյալների թիվը։

https://yerkir.am/news/view/252186.html