Թուրքիայում Լրագրողների ասոցիացիան հրապարակել է «Լրատվության գինը» ամենամսյա զեկույցը։
Նշվում է, որ միայն հոկտեմբերին Թուրքիայի 9 քաղաքում շուրջ 34 դատական նիստ է կայացել, և առնվազն 58 լրագրող ու լրատվամիջոցի ներկայացուցիչ է կանգնել դատարանի առաջ։ Նրանց նկատմամբ պահանջվել է սահմանել ընդհանուր 272 տարի 6 ամսից մինչև 869 տարի 6 ամիս ազատազրկում, այդ թվում 1 լրագրողի նկատմամբ՝ ցմահ ազատազրկում։
Լրագրողներից 27-ը մեղադրվում են «ահաբեկչական խմբավորման անդամ լինելու», 11-ը՝ «ահաբեկչական խմբավորման օգտին քարոզչություն իրականացնելու», 7-ը «հավաքների և ակցիաների վերաբերյալ օրենքին ընդդիմանալու», իսկ 4-ը՝ «հանրապետության նախագահին վիրավորվելու մեջ»։
Լրագրողներից 3-ը դատապարտվել են 2 տարի 5 ամիս ազատազրկման։ Նրանք ստիպված կլինեն վճարել 16.660 թուրքական լիրայի չափով դրամական տուգանք։
Զեկույցի տվյալներով՝ հոկտեմբերին հարձակման է ենթարկվել 4 լրագրող։ Նրանց հասցեին սպառնալիքներ են հնչել։
Ermenihaber.am
Leave a Reply