Ստամբուլահայ հայտնի լեզվաբան Սեւան Նշանյանին թույլ չեն տվել մուտք գործել Հունաստան

Սեւան Նշանյանն իր ֆեյսբուքյան էջում գրել է, որ  արտասահմանյան փոքրիկ շրջագայությունից հետո Աթենք վերադառնալու ժամանակ օդանավակայանում ոստիկանները կանգնեցրել են եւ արտաքսել երկրից՝ առանց բացատրություն տալու։

Սեւան Նշանյանը շեշտել է, որ նա արդեն 4 տարի ամուսնացած է Հունաստանի քաղաքացու հետ եւ որեւէ խնդիր չի ունեցել հույն իրավապահ մարմինների հետ։

«2017 թ. Թուրքիայի բանտից փախնելուց հետո ապրում էի Հունաստանի Սամոս կղզու մի փոքրիկ գյուղում։  Թուրքիայում իմ գրքերի հրատարակություններից ու սոցկայքերից եկող հոնարարներով կարողացել եմ ապրել, նաեւ մեկ մեկ փոքրիկ շրջագայության մեկնել, սակայն այժմ չգիտեմ, թե ուր եմ գնալու եւ ինչպես եմ նոր կյանք սկսելու այլ երկրում, երբ արդեն 66 տարեկան եմ»,–գրել է Սեւան Նշանյանը։

https://news.am/arm/news/669212.html