Ղարաբաղի պատերազմից հետո Հայաստանի հետ հարաբերությունների կարգավորման խոչընդոտներ չկան. Քալըն

Թուրքիան դրական է վերաբերվում Հայաստանի հետ հարաբերությունների կարգավորմանը. ասել է Թուրքիայի նախագահի մամուլի քարտուղար Իբրահիմ Քալըինը:

Թուրք բարձրաստիճան պաշտոնյան նշել է, որ Անկարայի՝ Երևանի հետ դիվանագիտական հարաբերությունները սառեցնելու և սահմանը փակելու հիմնական պատճառը «Ղարաբաղի օկուպացիան» էր:

«Այժմ, երբ այս խնդիրը լուծված է, իրականում խոչընդոտներ չկան Հայաստանի հետ հարաբերությունների կարգավորման համար, միևնույն ժամանակ կան Ղարաբաղի հետ կապված որոշ հարցեր, որոնք դեռ պետք է լուծվեն»,- ասել է նա:

Չլուծված հարցերի շարքում Էրդողանի խոսնակը նշել է խաղաղության պայմանագրի բացակայությունը: «Սա հարկավոր է Հայաստանին, Ադրբեջանին և Թուրքիային: Եթե խաղաղության համաձայնագիր ստորագրվի, դա շատ լուրջ ազդեցություն կունենա տարածաշրջանային կայունության վրա»,- ասել է նա:

http://yerkir.am/news/view/249328.html