Թուրքիոյ Ազգային պաշտպանութեան համալսարանին մէջ ծովուժի եւ օդուժի ակադեմիայի շրջանաւարտներու աւարտական ձեռնարկին ընթացքին Թուրքիոյ նախագահ Ռեճեփ Թայիփ Էրտողան յիշեցուցած է Արցախի դէմ շղթայազերծուած պատերազմին մէջ Թուրքիոյ եւ Ազրպէյճանի կողմէ թրքական անօդաչու թռչող սարքերու յաջող կիրարկումը: Այս մասին կը հաղորդէ «Անատոլու» լրատու գործակալութիւնը:
«Թրքական հարուածային անօդաչու թռչող սարքերու յաջող կիրարկումը` Սուրիայէն մինչեւ Ղարաբաղի տագնապի բազմաթիւ գօտիներ, ինչպէս նաեւ ահաբեկչութեան դէմ պայքարին մէջ, այսօր ամբողջ աշխարհի շուրթերուն վրայ է», ըսած է Թուրքիոյ նախագահը:
https://www.aztagdaily.com/archives/521139
Leave a Reply