Մեկ ազգ՝ երեք պետություն. Ադրբեջանի պատվիրակությունն առաջին անգամ Հյուսիսային Կիպրոսում է

Ադրբեջանի Միլլի մեջլիսի պատվիրակությունը, միջազգային հարաբերությունների եւ միջխորհրդարանական կապերի հանձնաժողովի նախագահ Սամեդ Սեիդովի գլխավորությամբ, առաջին անգամ այցելել է այսպես կոչված «Հյուսիսային Կիպրոսի Թուրքական Հանրապետություն», հաղորդում են ադրբեջանական ԶԼՄ-ները:

Պատվիրակությանն ընդունել է Հյուսիսային Կիպրոսի Թուրքական Հանրապետության վարչապետ Էրսին Թաթարը՝ հայտարարելով. «Մենք մեկ ազգ ենք, 3 պետություն»: Նա նշել է, որ դա «պատմական այց» է:

Իր հերթին Սեիդովն ասել է. «Մենք ցանկանում ենք, որ Հյուսիսային Կիպրոսն ավելի ուժեղ դառնա: Թուրքական աշխարհը հզորանա: Ուստի Թուրքիան, Ադրբեջանն ու Հյուսիսային Կիպրոսը պետք է միասնական լինեն»:

Թուրքիայի նախագահ Ռեջեփ Թայիփ Էրդողանը հայտարարել է, որ Հյուսիսային Կիպրոսում այցի ընթացքում, որը կկայանա երկուշաբթի՝ հուլիսի 19-ին, լավ լուրեր է հայտնելու:

https://news.am/arm/news/654138.html