Միացեալ Նահանգներու նախագահ Ճօ Պայտընի վարչակազմը կ՛ուզէ խարխլել տարբեր շրջաններու մէջ, ներառեալ Լեռնային Ղարաբաղի մէջ Անգարայի ազդեցութիւնը: Այս մասին ռուսական «Լենթա» կայքին հետ հարցազրոյցի ընթացքին յայտնած է թրքական հետախուզութեան նախկին ղեկավար Իսմայիլ Փեքին:
«Պայտընի նպատակն է խափանել այս տարածքին մէջ խաղաղութեան հաստատումը: Այս քաղաքականութիւնը թելադրուած չէ Միացեալ Նահանգներու հայկական լոպիին կողմէ, ընդհակառակն` անիկա չէր կրնար ազդել Ամերիկայի նախագահի որոշումներուն վրայ: Նման ներթափանցումը արդիւնք է ամբողջ Անգարայի նկատմամբ Ուաշինկթընի թշնամական վերաբերմունքին», ըսած է ան:
11 յունիսին Միացեալ Նահանգներու Քոնկրեսի հայկական հարցերով խումբի անդամները Սպիտակ տան ղեկավարին ուղղուած նամակին մէջ շեշտած էին. «Առանց ամերիկեան ուժեղ ղեկավարութեան` Թուրքիան եւ Ազրպէյճանը պիտի շարունակեն խախտել մարդու իրաւունքները եւ խարխլել ժողովրդավարութիւնը` ապակայունացնելով շրջանը: Միացեալ Նահանգներ պէտք է հասկնան, որ այդ թշնամական գործողութիւնները կը յանգեցնեն վատ հետեւանքներու»:
https://www.aztagdaily.com/archives/514964
Leave a Reply