Էրդողանը պաշտոնական այցով ժամանել է Ադրբեջան

Թուրքիայի նախագահ Ռեջեփ Թայիփ Էրդողանը պաշտոնական այցով ժամանել է Ադրբեջան: Այս մասին տեղեկացնում է Minval.az կայքը:

Բաքվի Հեյդար Ալիևի անվան միջազգային օդանավակայանում Էրդողանի պատվին պատվո պահակախումբ է կանգնեցվել:

Էրդողանին ու նրա կնոջը` Էմինե Էրդողանին, օդանավակայանում դիմավորել են առաջին փոխվարչապետ Յաղուբ Էյուբովը, փոխարտգործնախարար Խալաֆ Խալաֆովը և այլ պաշտոնատար անձինք:

Այցի շրջանակում այսօր Ադրբեջանի կողմից օկուպացված Շուշիում տեղի կունենան երկկողմ հանդիպումներ, որտեղ կքննարկվեն թուրք-ադրբեջանական հարաբերությունների բոլոր ասպեկտները և դրանց հետագա խորացումը:

Այցի ընթացքում Թուրքիայի ղեկավարը ելույթ կունենա Ադրբեջանի խորհրդարանում, ինչի կապակցությամբ ադրբեջանցի պատգամավորները մինչ այդ կորոնավիրուսի առկայությունը ստուգող թեստ են հանձնել:

https://www.tert.am/am/news/2021/06/15/erdogan-baku/3641810