Թուրքիայի խորհրդարանը դատապարտել է Բայդենին Հայոց ցեղասպանության մասին հայտարարության համար

Թուրքիայի խորհրդարանը բանաձև է ընդունել, որով դատապարտում է ԱՄՆ նախագահ Ջո Բայդենին Օսմանյան կայսրությունում Հայոց ցեղասպանությունը ճանաչելու համար: Բանաձևի քվեարկությունը տեղի է ունեցել երեքշաբթի:

«Խորհրդարանը կտրուկ և կոշտ դատապարտում է Ջո Բայդենի` ապրիլի 24-ին արված հայտարարությունները, որոնք պարունակում են հայկական լոբբիի հաղորդագրությունները: Մենք մերժում ենք այդ անհիմն հայտարարությունները: Դրանք ոչ մի ուժ չունեն մեզ համար»,- հայտարարության տեքստը մեջբերում է CNN Turk հեռուստաալիքը:

Խորհրդարանը նաև կոչ է արել ԱՄՆ առաջնորդին՝ «շտկել այս սխալը, որը խորապես վիրավորել է թուրք ազգին»: Բայդենի խոսքերը, ըստ թուրք խորհրդարանականների, «անխուսափելիորեն կվնասեն երկկողմ հարաբերություններին»:

https://www.yerkir.am/news/view/236776.html