ԱՄՆ նախագահ Ջո Բայդենը մտադիր է պաշտոնապես ճանաչել 20-րդ դարի սկզբին Օսմանյան կայսրությունում տեղի ունեցած Հայոց ցեղասպանությունը: Այս մասին չորեքշաբթի հաղորդել է The Wall Street Journal-ը՝ վկայակոչելով ամերիկյան վարչակազմի աղբյուրները:
Պարբերականի տվյալներով՝ Սպիտակ տան ղեկավարը կարող է համապատասխան հայտարարությունն անել շաբաթ օրը՝ ապրիլի 24-ին: Ամեն տարի այս ամսաթվով Հայաստանը նշում է Հայոց ցեղասպանության զոհերի հիշատակի օրը: Ընդ որում, հրապարակման աղբյուրները նշում են, որ վերջնական որոշում դեռ կայացված չէ, եւ Բայդենը կարող է սահմանափակվել պաշտոնական հայտարարությամբ, որում ցեղասպանության պաշտոնական ճանաչում չի հնչեցվի, հայտնում է ՏԱՍՍ-ը:
Պարբերականը շեշտում է, որ Բայդենի կողմից Հայոց ցեղասպանության հնարավոր ճանաչումը Վաշինգտոնի ու Անկարայի հարաբերությունների զգալի վատթարացման կհանգեցնի: Ըստ WSJ-ի՝ Վաշինգտոնում Թուրքիայի դեսպանության ներկայացուցիչը դեռ չի մեկնաբանել աղբյուրների տեղեկությունները:
https://news.am/arm/news/640096.html
Leave a Reply