Թուրքերը քանդել են հայկական վանքի քարերով կառուցված մզկիթը

Թուրքերը քանդել են ժամանակին հայկական վանքի քարերով կառուցված մզկիթը։ Աղրը (Արարատ-Ակունքի խմբ․) քաղաքում 1950 թ․ կառուցված այդ մզկիթը քաղաքի խորհրդանիշներից էր։ Այդ մասին ըստ Akunq.net-ի, հաղորդում է «Մեզոպոտամիա» լրատվական գործակալությունը։

Աղբյուրի համաձայն՝ քանդված մզկիթի կառուցման ժամանակ մասնավորապես օգտագործվել էին Թաշլըչայ գավառից 18 կմ հեռավորության վրա գտնվող և ներկայում Թաշթեքեր անունը կրող գյուղի հայկական վանքի քարերը։

Արդարություն և զարգացում կուսակցությունը ներկայացնող Աղրըի ներկայիս քաղաքապետը հայտնել է, թե մզկիթը քանդվել է օսմանյան ճարտարապետության ոճով վերակառուցվելու նկատառմամբ։

http://mezopotamyaajansi29.com/tum-haberler/content/view/131317?fbclid=IwAR1YFbuqHueFfmOMrd13QrK2eQh2IOxwKmmKg0Vf8MpYWa1Tlw3y_OiypMM