Թուրքիայի նախագահի երկու հրամանագրերի շրջանակներում փոխվելու են չորս նահանգների սահմաններ. հայտնում է Cumhuriyet-ը։
Հարավարևելյան Դիարբեքիր նահանգի Քուլփ շրջանում գտնվող՝ հիմնականում քրդաբնակ Շենյալա շրջանը մաս է կազմելու Մուշ նահանգին: Փոխվելու են նաև սևծովյան Օրդու և Գիրեսուն (Կերասուն-Ակունքի խմբ․) նահանգների սահմանը:
Քրդամետ Ժողովուրդների դեմոկրատական կուսակցության (HDP) պատվավոր նախագահ Էրթուղրուլ Քյուրքչուն, մեկնաբանելով փոփոխությունները, ասել է, որ այդ քայլը ընտրազանգվածի սահմանները մանիպուլացնելու խարդախ գործողություն է՝ հօգուտ մեկ կուսակցության կամ դասի:
«Սա ոչ այլ ինչ է, եթե ոչ ջերիմանդրինգ (ընտրական աշխարհագրություն): Այժմ մենք կարող ենք փոփոխություններ տեսնել գավառական կամ շրջանային շատ սահմաններում: Բազմաթիվ պատճառներ կան ենթադրելու, որ ընտրատարածքային համակարգի մոդելավորման աշխատանքներն ավարտված են, և դրա իրականացման նախապատրաստական աշխատանքներն անօրինական են ու հասարակությունից թաքցված», – Twitter-ում գրել է Քյուրքչին՝ անդրադառնալով ընտրական համակարգը փոխելու՝ կառավարության քայլերին։
https://www.yerkir.am/news/view/233175.html
Leave a Reply