Եգիպտոսի հետ հաշտվելու Թուրքիայի ջանքերը Կահիրեի եւ Աթենքի հարաբերությունները թաղելու փորձ են

Թուրքիայի՝ Եգիպտոսի հետ հաշտեցման վերջին ջանքերը, որի հետ հարաբերությունները սառեցվել էին գրեթե տասը տարի առաջ, ոչ թե հայացքների փոփոխություն են, այլ` մարտավարական տեղաշարժ, որի նպատակն է թաղել Եգիպտոսի հարաբերությունները Հունաստանի հետ, գրում է վերլուծաբան Սեթ Ֆրանցմանը Jerusalem Post-ի իր հոդվածում:

Թուրքիայի եւ Եգիպտոսի միջեւ հարաբերությունները խզվել էին 2013 թ. Եգիպտոսում տեղի ունեցած ռազմական հեղաշրջումից հետո, որը նախագահ Աբդել Ֆաթթահ Սիսիին բերեց իշխանության: Թուրքիայի նախագահ Ռեջեփ Թայիփ Էրդողանը, որը սերտ կապեր էր հաստատել Եգիպտոսի տապալված նախագահ Մուհամեդ Մուրսիի հետ, հաճախ Սիսիին բռնապետ էր անվանում, իսկ Թուրքիան դարձել էր Կահիրեում կառավարության դեմ հանդես եկող եգիպտացի աքսորյալների ապաստարանը:

Եգիպտոսը հոկտեմբերին վավերացրեց ծովային համաձայնագիրը, որը հաստատում էր երկրի սահմանը Միջերկրական ծովում Հունաստանի հետ եւ երկու երկրներին թույլ է տալիս առավելագույնի հասցնել օգուտները բացառիկ տնտեսական գոտում առկա ռեսուրսներից, այդ թվում` նավթի եւ գազի պաշարները:

Աթենքի եւ Կահիրեի միջև համաձայնագիրը որպես պատասխան  է դիտվում Թուրքիայի եւ Լիբիայի միջեւ 2019 թ. նոյեմբերին ստորագրված համաձայնագրին:

Ըստ Ֆրանցմանի՝ մարտի սկզբին Թուրքիայի պաշտպանության նախարար Հուլուսի Աքարի հայտարարություններից հետո, ով «գովաբանում էր» Եգիպտոսը ծովային տարածքների սահմանազատման համար, «Անկարան ճնշման լայնածավալ արշավ սկսեց»:
Անդրադառնալով Թուրքիայի արտգործնախարար Չավուշօղլուի՝ Եգիպտոսի հետ դիվանագիտական ​​մակարդակում շփումների մասին հայտարարություններին՝ հյուսիսաֆրկյան այս երկրի հետ շփումները վերսկսելու մասին ազդարարող բոլոր լուրերը գործնական քայլեր էին, որոնք ուղղված էին այս պատմության տարածվելուն: «Կապերի վերականգնում հասկացություն գոյություն չունի. Թուրքիան հայտարարեց այս բոլոր բանակցությունների եւ վերբեռնման մասին՝ առանց Եգիպտոսի հետ խոսելու», – գրում է Ֆրանցմանը՝ վկայակոչելով  աղբյուրները Եգիպտոսի ԱԳՆ-ում:

https://news.am/arm/news/633832.html