Թուրքիայում քուրդը մեղադրվում է ահաբեկչություն քարոզելու մեջ Էրդողանին ուղղված Թրամփի նամակը հրապարակելու պատճառով

Թուրքիայի հարավ-արեւելքում Դիարբեքիր քրդական նահանգի դատարանը մեղադրանք է առաջադրել քրդին ահաբեկչություն քարոզելու մեջ սոցիալական ցանցերում ԱՄՆ նախկին նախագահ Դոնալդ Թրամփի՝ Թուրքիայի նախագահ Ռեջեփ Թայիփ Էրդողանին 2019 թվականին ուղարկված նամակի մասին հաղորդագրությունների պատճառով, հաղորդում է Mezopotamya գործակալությունը:

Դիարբեքիրի գլխավոր դատախազը մեղադրական եզրակացության մեջ հայտարարել է, որ տղամարդը կիսվել է Թրամփի նամակի լուսանկարով, որն ուղարկվել էր Էրդողանին նախքան այն, երբ Թուրքիան սկսել էր ռազմական ներխուժումը Սիրիայի հյուսիս՝ Սիրիայի քրդերի դեմ, որում նա կոչ էր արել Թուրքիայի նախագահին «հիմար չլիներ», եւ այդ հրապարակումը ստացել է երեք հավանություն:

Եւս մեկ հրապարակում, որն առաջացրել է դատախազի դժգոհությունը, Ժողովուրդների դեմորկրատիա քրդամետ կուսակցության պատգամավորի լուսանկարն էր, որում պատկերված է ինքնաձիգը կոտրող աղավնի՝ «Մարդիկ ապրում են խաղաղության մեջ» գրառմամբ:

Տղամարդը խոստովանել է, որ հրապարակել է վերոնշյալ տեղեկատվությունը, սակայն հերքել մեղադրանքները: Դատավարությունը կշարունակվի Դիարբեքիրում, իսկ հստակ օրը կորոշվի ավելի ուշ:

Duvar լրատվական կայքի տվյալներով՝ 2015-2020 թվականների ընթացքում Ժողովուրդների դեմորկրատիա կուսակցության շուրջ 16 000 անդամներ եւ կողմնակիցներ են բերման ենթարկվել, եւ ավելի քան 5 000-ը շարունակում է գտնվել բանտում:

News.am