Թուրքիայի խորհրդարանը ցանկանում է 25 ընդդիմադիր պատգամավորի զրկել անձեռնմխելիությունից

Թուրքիայի խորհրդարանը պատրաստվում է քննարկել 25 ընդդիմադիր պատգամավորների անձեռնմխելիությունից զրկելու հարցը, հայտնում է Ahval–ը:

Երեքշաբթի, ընդհանուր առմամբ, խորհրդարան է ուղարկվել 33 դատական գործ, որից ինն առնչվում է քրդամետ Ժողովուրդների դեմոկրատական կուսակցության պատգամավորներին, այդ թվում ՝ կուսակցության համանախագահ Պերվին Բուլդանին:

Նրա դեմ դատական գործը կապված է 2014 թ․ «Իսլամական պետություն» ահաբեկչական խմբավորման կողմից Սիրիայի հյուսիսային Քոբանի շրջանում իրականացրած գործողությունների ժամանակ թուրքական բանակի անգործության դեմ համապետական բողոքի կազմակերպման հետ։

Թուրքիայի նախագահ Ռեջեփ Թայիփ Էրդողանն ասել է, որ պատգամավորներին անձեռնմխելիությունից զրկելու հարցում հետևելու են պատշաճ գործընթացներին։

https://www.tert.am/am/news/2021/02/25/Turkey/3534981