Էրտողան. «Չկրցան մեր ձեռքը ոլորել, ուստի մեզ կը պատժեն»

Թուրքիոյ նախագահ Ռեճեփ Թայիփ Էրտողան յայտնեց, որ Լիպիոյ, Սուրիոյ, Եգէական ծովու, Արեւելեան Միջերկրականի եւ Լեռնային Ղարաբաղի մէջ Թուրքիոյ ձեռքը ոլորել չկրցած որոշ կողմեր «կը փորձեն մեզի արգելք հանդիսանալ անհիմն պնդումներով»:

«Յիշեցէ՛ք, որ մեր երկիրը թիրախ դարձուցած յարձակումները, մասնաւորաբար տնտեսական մարզին վնասներն ու ահաբեկչական յարձակումները, պատահականութիւն չէին», աւելցուց Էրտողան:

Թուրքիոյ նախագահը դարձեալ քննադատեց Ֆրանսայի նախագահ Էմանուէլ Մաքրոնը` մեկնաբանելով վերջինիս` Թուրքիոյ ուժերը Լիպիայէն հեռացնելու կոչը` ըսելով. «Կը թուի, թէ չսորվեցաւ, եւ սորվիլը երկար ժամանակ կ՛առնէ»:

https://www.aztagdaily.com/archives/498658