ԱՄՆ-ը հերքում Է Թուրքիայի բարձրաստիճան պաշտոնյաների մեղադրանքները 2016 թվականին տեղի ունեցած հեղաշրջման փորձին Վաշինգտոնի մասնակցության մեջ եւ կարծում Է, որ նման հայտարարությունները հակասում են երկու երկրների դաշնակցային հարաբերություններին: Այդ մասին, ինչպես տեղեկացնում Է «Արմենպրես»-ը, հայտարարել Է Պետդեպարտամենտի պաշտոնական ներկայացուցիչ Նեդ Փրայսը:
«ԱՄՆ-ը ոչ մի ձեւով մասնակից չի եղել 2016 թվականին Թուրքիայում տեղի ունեցած հեղաշրջման փորձին եւ անհապաղ դատապարտել Է այդ փորձը: Հակառակի մասին վերջերս արված պնդումները, որոնք արվել են Թուրքիայի բարձրաստիճան պաշտոնյաների կողմից, կատարյալ սուտ են»,-հայտարարել Է Փրայսը:
«Այդ հայտարարությունները եւ Թուրքիայում տեղի ունեցած իրադարձությունների համար ԱՄՆ-ի պատասխանատվության մասին մյուս չհիմնավորված ու անպատասխանատու հայտարարությունները չեն համապատասխանում Թուրքիայի՝ որպես ՆԱՏՕ-ի գծով դաշնակցի եւ Միացյալ Նահանգների ռազմավարական գործընկերոջ կարգավիճակին»,-հավելել Է Նեդ Փրայսը, հաղորդել Է ՌԻԱ Նովոստին:
https://armenpress.am/arm/news/1042522.html
Leave a Reply