Սաուդյան Արաբիան կորոնավիրուսային համավարակի պատճառով ժամանակավորապես արգելել է Թուրքիայից և ևս 19 երկրից ժամանող անձանց համար մուտքը թագավորություն: Այս մասին երեքշաբթի օրը հաղորդել է Սաուդյան Արաբիայի մամուլի գործակալությունը՝ հղում տալով ներքին գործերի նախարարությանը, գրում է ՏԱՍՍ գործակալությունը:
ՆԳՆ որոշումն ուժի մեջ է մտնում չորեքշաբթի, փետրվարի 3-ին՝ ժամը 21:00-ից (Երևանի ժամանակով 22:00-ից):
«Առողջապահության նախարարության կարգադրությունները` որպես կանխարգելիչ միջոց կորոնավիրուսի տարածումը վերահսկելու համար կատարելու շրջանակներում ՆԳՆ-ն հայտարարել է երկիր մուտքի ժամանակավոր արգելքի մասին ոչ քաղաքացիների, դիվանագետների, բժշկական աշխատողների և նրանց ընտանիքների անդամների համար Արգենտինայից, Բրազիլիայից, Մեծ Բրիտանիայից, Գերմանիայից, Եգիպտոսից, Հնդկաստանից, Ինդոնեզիայից, Իռլանիդիայից, Իտալիայից, Լիբանանից, ԱՄԷ-ից, Պակիստանից, Պորտուգալիայից, ԱՄՆ-ից, Թուրքիայից, Ֆրանսիայից, Շվեդիայից, Շվեյցարիայից, ՀԱՀ-ից և Ճապոնիայից»,-ասված է գերատեսչության հայտարարության մեջ:
Արգելքը վերաբերում է նաև այլ երկրներից ժամանած ճանապարհորդներին, եթե նրանք թագավորություն մուտք գործելու համար փաստաթղթերը ներկայացնելու օրվանից առաջ 14 օրվա ընթացքում անցել են այս 20 պետություններից մեկով:
https://www.tert.am/am/news/2021/02/03/saudi-arabia/3513192
Leave a Reply