Քիւրտ ուսանողը սպաննած ոստիկանները անպարտ հռչակուեցան

ՊՈԼԻՍ, «Ակօս».- 2017ի Նեւրուզի տօնակատարութիւններուն ընթացքին հազարաւորներու աչքերուն առջեւ ոստիկաններու կրակոցով սպաննուած էր երաժշտանոցի ուսանող Քեմալ Քուրքութ: Անզէն երիտասարդին սպանութիւնը ոստիկանական շրջանակները եւ Տիգրանակերտի կուսակալը մամուլին ներկայացուցին, իբրեւ «մահապարտի մը չէզոքացում»՝ պնդելով, որ ան տօնակատարութեան վայրը եկած էր ինքզինք պայթեցնելու համար: Այդ սուտը իսկոյն հերքուեցաւ թղթակիցներու լուսանկարով, որուն մէջ Քուրքութ կը տեսնուէր կիսամերկ վիճակով:

Ոճիրէն ետք Քուրքութի ընտանիքը դիմեց դատարան՝ ոճրագործ ոստիկանները պատժելու պահանջով: Դատարանի վերջին նիստին, Քուրքութը սպաննած ոստիկանը անպարտ հռչակուեցաւ:

Asbarez.com