Ռուսաստանի և Թուրքիայի պաշտպանության նախարարները քննարկել են ԼՂ հակամարտության կարգավորման հարցը

ՌԴ պաշտպանության նախարար Սերգեյ Շոյգուն հեռախոսազրույց է ունեցել Թուրքիայի պաշտպանության նախարար Հուլուսի Աքարի հետ և քննարկել իրավիճակը Լեռնային Ղարաբաղում և Սիրիայում, ТАСС-ի փոխանցմամբ՝ հայտնում է ՌԴ ՊՆ-ն:

«Երկու երկրների պաշտպանական գերատեսչությունների ղեկավարները քննարկել են ղարաբաղյան հակամարտության կարգավորումն ու մտքեր են փոխանակել Սիրիայում իրավիճակի կայունացման վերաբերյալ»,- նշվալ է ՌԴ ՊՆ հաղորդագրությունում:

Ավելի վաղ ՌԴ նախագահ Վլադիմիր Պուտինը հայտնել էր, որ ՌԴ-ն, Ադրբեջանը և Հայաստանը Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել:

https://www.tert.am/am/news/2020/11/11/russia-turkey/3439501