Թուրքիայում ուղղափառ քրիստոնյաները պահանջում են չեղյալ հայտարարել Սուրբ Սոֆիայի տաճարի վերափոխումը մզկիթի

Թուրքիայում ուղղափառ քրիստոնյաները դիմել են Պետական խորհրդին` պահանջելով չեղյալ հայտարարել Սուրբ Սոֆիայի տաճարի վերափոխումը մզկիթի` նշելով, որ այս որոշումը խախտում է երկրում բնակվող ուղղափառ հույների իրավունքները:

Սուրբ Սոֆիան հիմնադրվել է Բյուզանդիայի Հուստինիանոս կայսեր կողմից եւ բացվել 537 թվականին: Տաճարը ավելի քան հազար տարի մնացել է աշխարհի ամենամեծ քրիստոնեական եկեղեցին՝ մինչեւ Կոստանդնուպոլսի անկումից հետո 1453-ին թուրքերն այն վերափոխել են Սուրբ Սոֆիայի մզկիթի:

1934թ․ ժամանակակից Թուրքիայի հիմնադիր Քեմալ Աթաթուրքը մզկիթը թանգարանի վերածելու մասին հրամանագիր է ստորագրել: Մի քանի տասնամյակ անց այն ընդգրկվել է ՅՈՒՆԵՍԿՕ-ի համաշխարհային ժառանգության ցուցակում:

Այս ամառ Թուրքիայի նախագահ Ռեջեփ Թայիփ Էրդողանը Սուրբ Սոֆիայի տաճարին մզկիթի կարգավիճակ շնորհելու մասին հրամանագիր ստորագրեց՝ չեղարկելով Թուրքիայի իշխանությունների 1934թ. համապատասխան որոշումը։

https://news.am/arm/news/612321.html