Քաթալոնական Պերկա քաղաքը ճանչցաւ Արցախի անկախութիւնը

Քաթալոնական Պերկա քաղաքի քաղաքային խորհուրդը ճանչցած է Արցախի Հանրապետութեան անկախութիւնը: «Արմէնփրես»-ի համաձայն, այս մասին կը յայտնէ Պարսելոնայի Հայկական մշակութային միութիւնը:

«Քաղաքային խորհուրդի լիագումար նիստը, Պարսելոնայի Հայկական մշակութային միութեան առաջարկով, ձայներու մեծամասնութեամբ որդեգրած եւ ճանչցած է Արցախի Հանրապետութեան անկախութիւնը, ազգերու ինքնորոշման իրաւունքը եւ տարածքային գերիշխանութիւնը», նշուած է հաղորդագրութեան մէջ:

Պերկա քաղաքը կը գտնուի Սպանիոյ Քաթալոնիա երկրամասին մէջ եւ ունի 17 հազար բնակչութիւն:

http://www.aztagdaily.com/archives/488704