Թուրքերը հրամանատարությունից հեռացրել են Ադրբեջանի պաշտպանության նախարարին՝ Ռուսաստանի հետ կապերի պատճառով, գրում է Wargonzo Telegram-ալիքը՝ վկայակոչելով Ստամբուլում աղբյուրները:
«Ստացված տվյալների համաձայն՝ Ադրբեջանի պաշտպանության նախարար Զաքիր Հասանովը փաստացի հեռացվել է զինված ուժերի հրամանատարությունից: Պատճառը նրա սերտ շփումներն էին ռուս գեներալների հետ: Հիշեցնենք, որ 1980-ին Հասանովն ավարտել է Բաքվի բարձրագույն հրամանատարական դպրոցը եւ մինչեւ 1985 թվականը ծառայել է Գերմանիայում տեղակայված խորհրդային զորքերում, նրանց դուրս գալուց հետո ծառայությունը շարունակել է Սիբիրի ռազմական շրջանում՝ մինչեւ 1993 թվականը: Բնականաբար, նրա կապերը Ռուսաստանի Դաշնության գործընկերների հետ պահպանվել են: Ադրբեջանի գլխավոր շտաբի պետ Սանդիխովի հետ կապված աղմուկից հետո, թուրքական հատուկ ծառայությունները Ալիեւից պահանջել են ռազմական գործողությունների ղեկավարումից հեռացնել ռուսական կրթություն ստացած բոլոր գեներալներին: Ըստ Ստամբուլում @wargonzo-ի աղբյուրների՝ Ալիեւը կատարել է պահանջները: Հասանովն այս պահին իրականում կատարում է դեկորատիվ գործառույթ եւ հասանելիություն չունի ռազմաճակատում իրավիճակին, ինչպես նաեւ կորցրել է որոշումների կայացման բոլոր մեխանիզմների հասանելիությունը»:
https://news.am/arm/news/611399.html
Leave a Reply