Թրամփի կազմակերպությունը ստացել է պարգեւատրում 14 մլն դոլարի չափով Ստամբուլում Թրամփի աշտարակների համար Թրամփի անունն օգտագործելու նպատակով: Ադրբեջանցի օլիգարխները նույնպես վճարել են միլիոններ Թրամփի կազմակերպությանը Բաքվում գեղեցկության մրցույթի համար: MSNBC- ի հետազոտությունը եզրակացրել է, որ Թրամփի կազմակերպությունն ունի մասնաբաժիններ 119 թուրքական ընկերություններում, գրում է հոդվածի հեղինակը՝ Կոլումբիայի համալսարանի Մարդու իրավունքների ինստիտուտի Խաղաղաշինության եւ մարդու իրավուքների ծրագրի տնօրեն Դեւիդ Ֆիլիպսը:
«Թրամփի ջանքերը Արդարադատության նախարարությանը համոզելու ուղղությամբ աննախադեպ են. նախարարությունը որոշել էր դատի տալ թուրքական պետական HalkBank բանկը: Դատախազությունն արդեն որոշել էր, որ HalkBank-ն օգնել է Իրանին խուսափել ԱՄՆ-ի պատժամիջոցներից: Ո՞րն է HalkBank-ը պաշտպանելու Թրամփի մոտիվացիան:
Թրամփի կազմակերպությունն ունի 431 մլն դոլար, որոնք երաշխավորում է անձամբ Թրամփը: Երբ բացահայտվեն Թրամփի հարկերը, մի զարմացեք՝ տեղեկանալով, որ Trump Organization-ը ֆինանսավորվում է HalkBank-ի կամ թուրքական գործարարների կողմից:
Թրամփի շահերի բախումն ունի իրական հետեւանքներ ԱՄՆ ազգային անվտանգության համար: Նա հրավիրել էր Թուրքիայի ԶՈՒ-ն եւ նրանց ջիհադիստ խամաճիկներին Սիրիայի հյուսիս, որտեղ նրանք իրագործել են սարսափելի հանցագործություններ քրդերի, հայերի եւ սիրիացի քրիստոնյաների դեմ: Նա փակել է աչքերն առ այն, որ թուրքերի կողմից աջակցություն ստացող իսլամիստները սպանել են էթնիկ հայերին Լեռնային Ղարաբաղում: Նա նաեւ լռում է, երբ թուրք զինվորականները մարտահրավեր են նետում Հունաստանին, Կիպրոսին եւ Իսրայելին Արեւելյան Միջերկրական ծովում:
Թրամփն իր անձնական շահերը գերադասում է ԱՄՆ ազգային շահերին, երբ խոսքը վերաբերում է ԱՄՆ-ի եւ Թուրքիայի միջեւ հարաբերություններին: Քննությունը պետք է պարզի՝ հանդիսանում են արդյոք Թրամփի գործողությունները էթիկապես սխալ կամ հանցավոր»,-Ֆիլիպսը նշել է իր հոդվածում:
https://news.am/arm/news/610932.html
Leave a Reply