Թուրքիայում վայնասուն է բարձրացել. Ղարաբաղի պատճառով ոչնչացվել է «թուրքական սիրված խմբավորման» շտաբը. կան բազմաթիվ սպանվածներ ու վիրավորներ

Ղարաբաղի պատճառով ոչնչացվել է թուրքական սիրված ահաբեկչական խմբավորման շտաբը, կան բազմաթիվ սպանվածներ ու վիրավորներ. հայտնում է Военкоры Русской Весны թելեգրամյան ալիքը։

Թուրք վերլուծաբանների կարծիքով՝ դրա պատճառը Ղարաբաղում «Հայաստանի չափից ավելի տառապանքների և կորուստների վրեժն է և ՀՕՊ համակարգերի ոչնչացումը»:

«Ռուսաստանը հարձակվել է Իդլիբում սիրված և առաջատար թուրքական խմբավորման՝  «Ֆայլաք ալ Շամ»-ի շտաբի վրա: ՖԱՇ-ի շտաբի վրա հարձակումը սովորական բան չէ: Թուրքիան այդ խմբավորման միջոցով է վճարում Իդլիբում իր աջակցությունը վայելող բոլոր անօրինական զինված խմբավորումներին: Այդ խմբավորումն է պատասխանատու Իդլիբում թուրքական ներկայության պաշտպանության համար: Խմբավորումը գտնվում էր թուրքական պետության սահմանի մոտակայքում։ Եվ դա Ջարաբլուսի նավթային ենթակառուցվածքին վերջերս հասցված հարվածից հետո է»,- գրում է ազդեցիկ SETA կենտրոնի «Սյուրիե գյունդեմի» հրատարակության գլխավոր խմբագիր Օմեր Օզքիզիլչիկը:

Սիրիայում համակարգող աշխատանքների ընթացքում Թուրքիան չէր բացահայտել «իր» և «օտարերկրյա» խմբավորումների գտնվելու վայրը և չէր կատարել «Հայաթ Թահրիր ալ Շամ»-ի ահաբեկիչներին ոչնչացնելու իր պարտավորությունները, որոնք սերտ կապեր ունեին ՖԱՇ–ի հետ։

https://www.yerkir.am/news/view/218040.html