Թուրքիայի Իսկենդերուն քաղաքում պայթյուն է որոտացել. հետապնդվող ահաբեկիչներից մեկը սպանվել է

Թուրքիայի Իսկենդերուն քաղաքում պայթյուն է որոտացել հատուկջոկատայինների կողմից երկու ահաբեկիչների հետապնդելու ժամանակ։ Ինչպես տեղեկացնում է «Արմենպրես»-ը, վկայակոչելով «TRT World Now»-ն, այս մասին ասել է Թուրքիայի Հաթայի նահանգի ղեկավար Ռահմի Դողանը։

«Ահաբեկիչներից մեկը սպանվել է, խաղաղ բնակչության շրջանում զոհեր չկան»,- ասել է նահանգապետը։

Նշվում է, որ շտապօգնության մեքենաները, ոստիկանությունը ուղարկվել են դեպքի վայր։