Հեղինակավոր Bloomberg-ը ծավալուն հոդված է հրապարակել Թուրքիայի արտաքին քաղաքականության մասին: «Արմենպրես»-ի հաղորդմամբ՝ հոդվածագիրը նշում է, որ Անկարան իր ազդեցությունը պահպանելու համար արտաքին քաղաքականության մեջ օգտագործում է կոշտ ուժ և կոշտ հռետորաբանություն, այլ ոչ թե դիվանագիտություն:
Հոդվածի հեղինակը նկատել է, որ Ռուսաստանի նախագահ Վլադիմիր Պուտինն, ում Թուրքիայի նախագահ Ռեջեփ Թայիփ Էրդողանը բնութագրում է որպես «լավ ընկեր», կովկասյան հակամարտության ջատագովը չէ, որտեղ Թուրքիան մեծ ոգևորությամբ աջակցում է Ադրբեջանին՝ ընդդեմ Հայաստանի: Կրեմլը Թուրքիային մեղադրել է Լեռնային Ղարաբաղի հակամարտության կրակի վրա յուղ լցնելու մեջ:
Նշվում է, որ Թուրքիան միջամտում է այնտեղ, որտեղ Մոսկվան համարում է իր ազդեցության գոտի: Կովկասը ոչ միայն աշխարհագրական, այլ նաև պատմական, մշակութային, ռազմավարական և տնտեսական առումով ավելի մոտ է Ռուսաստանին, քան Սիրիան կամ Լիբիան:
Նշվում է նաև, որ Ֆրանսիայի նախագահ Էմանուել Մակրոնը, ով քննադատել է Էրդողանին՝ Լիբիայի քաղաքացիական պատերազմում Թուրքիայի միջամտության համար, ընդլայնել է իր բողոքի շարքը՝ Միջերկրական ծովի արևելքում և Կովկասում Թուրքիայի գործողությունների համար:
https://armenpress.am/arm/news/1032109.html
Leave a Reply