Թուրքիան հարյուրավոր սիրիացի վարձկաններ է ուղարկել Արցախ. WSJ

Լեռնային Ղարաբաղ են տեղափոխվել Թուրքիայի հետ առնչություն ունեցող հարյուրավոր սիրիացի զինյալներ: Այս մասին հայտնում է The Wall Street Journal- ը՝ հղում անելով Սիրիայում իր աղբյուրներին:

«Սիրիացի հարյուրավոր զինյալների, որոնք համագործակցում են Թուրքիայի հետ, միացել են Լեռնային Ղարաբաղի շուրջ Ադրբեջանի և Հայաստանի միջև մարտերին, ևս հարյուրավոր մարդիկ պատրաստվում են ուղարկվել», – հրատարակությանը հայտնել են Սիրիայում զինյալների տեղափոխման հետ առնչություն ունեցող երկու աղբյուրներ:

Տեղեկություններն առ այն, որ Թուրքիան զինյալներ է հավաքագրում, տարածվել էր հուլիսին տարածաշրջանում դարձյալ բախումների բռնկումից հետո․ հայտնել են աղբյուրները:

Թերթի զրուցակիցներից մեկի խոսքով՝ գրոհայինները Ղարաբաղ են ուղարկվել սեպտեմբերի կեսերից՝ հարյուր հոգանոց խմբերով: Ապստամբների հետ կապ ունեցող մեկ այլ սիրիացի հաստատեց, որ հարյուրավոր մարդիկ մեկնել են տարածաշրջան, բայց «տասնյակներն արդեն վերադարձել են՝ անհանգստացած կատաղի մարտերից»:

Մարտերին մասնակցելու համար վարձկանները ամսական ստանում են մինչև 2 հազար դոլար, հրատարակությանը հայտնել է ապստամբներից մեկը: Մեկ այլ զրուցակից նշել է, որ «կորուստները սիրիացի մարտիկների շրջանում արագորեն աճում են», և «շուրջ 200-ը արդեն խնդրել են հետ վերադարձնել իրենց»:

Թուրք պաշտոնյաների աղբյուրները հրապարակմանը հայտնել են, որ Անկարան երկշաբաթյա զորավարժություններ է կազմակերպել Ադրբեջանում և «Ադրբեջանի իշխանություններին տրամադրել հարձակողական անօդաչու թռչող սարքեր»: Ըստ ԱՄՆ պաշտպանության նախարարության՝ ավելի վաղ Թուրքիան Լիբիա էր ուղարկել նաև շուրջ 5 հազար սիրիացի զինյալ:

https://www.yerkir.am/news/view/216535.html