Ադրբեջանը ոչ թե պետություն է, այլ ցեղախումբ։ Մինչ օրս մի կարգին պետություն էլ չեն հիմնել․ թուրք քաղաքական գործիչ

Թուրք քաղաքական գործիչ Լևենթ Գյուլթեքինը Թուրքիայի քեմալիստական Ժողովրդահանրապետական կուսակցությանը՝ CHP-ին պատկանող Halk Tv հեռուստաալիքի եթերում հանդես է եկել ուշագրավ մեկնաբանություններով։ Թուրք քաղաքական գործիչը մասնավորապես քննադատել է թուրքական աջակողմյան՝ Ազգայնական շարժում կուսակցության նախագահ Դևլեթ Բահչելիին, ով վերջերս առաջարկել էր Նախիջևանի ինքնավար շրջանը միացնել Ադրբեջանին։

Այդ մասին, ըստ Akunq.net-ի, հաղորդում է թուրքական իշխանամետ «Սաբահ» օրաթերթը։

Աղբյուրի փոխանցմամբ՝ Լևենթ Գյուլթեքինը, սկանդալային հայտարարություն անելով, նշել է․ «(Թուրքիան) Նախիջևանի ինքնավար շրջանը Ադրբեջանին է միացնելու, երկուսի միջև գտնվող Հայաստանի տարածքներն էլ ամենայն հավանականությամբ՝ գրավելու։ Նախ՝ մի՞թե Ադրբեջան պետություն գոյություն ունի։ Ադրբեջանը ցեղախումբ է։ Ժողովրդավարություն չկա այնտեղ։ Իրավունքը չի գործում։ Այստեղ ավտորիտար իշխանություն է հաստատված։ Ընտրությունները ևս, ինչպես հարկն է, չեն կատարվում։ Մինչ օրս մի կարգին պետություն էլ չեն հիմնել»։

Թուրք քաղաքական գործիչը նաև դեմ է արտահայտվել Ադրբեջանի՝ Արցախի դեմ սկսած ռազմական գործողություններին և, ըստ թուրքական պարբերականի, “Հայաստանին աջակցող այնպիսի հայտարարություններ արել, որ հայկական հեռուստաալիքներով անգամ չես լսի”։

https://www.sabah.com.tr/gundem/2020/10/06/chp-yandasi-gultekinden-skandal-azerbaycan-sozleri-bunu-ermeni-tvsinde-bile-duyamazsiniz

Թարգմանեց Մելինե Անումյանը

Akunq.net