Իրանը դադարեցրել է Թուրքիայի հետ ավիահաղորդակցությունը

Կիրակի Իրանի Քաղաքացիական ավիացիայի կազմակերպությունը (CAO) հայտարարել է բոլոր ներքին ավիաընկերությունների եւ Turkish Airlines-ի Իրանից Թուրքիա չվերթների չեղարկման մասին մինչեւ հետագա իրազեկումը, հայտնում է Mehr գործակալությունը։

Իրանական ավիաընկերությունների դեպի Թուրքիա թռիչքների վերսկսումից ընդամենը մի քանի օր հետո այդ երթուղով թռիչքները կրկին դադարեցվել են, հավելել են CAO-ից։ Իրանից Թուրքիա թռիչքների դադարեցման մասին որոշումը կապված է կորոնավիրուսի համավարակի դեմ պայքարի հետ։

Ներկայում երկու կողմերի ավիաընկերությունները կարող են թռիչքներ կատարել միայն իրանցի եւ թուրք քաղաքացիներին վերադարձնելու համար, որի պատճառը COVID-19-ի տարածման աճն է։

https://armeniatoday.news/%d5%bf%d5%a1%d6%80%d5%a1%d5%ae%d5%a1%d5%b7%d6%80%d5%bb%d5%a1%d5%b6/179503/