«Ավրորան» կաջակցի «Հոշոտված Հայաստան» գրքի վերահրատարակմանը

«Ավրորա» մարդասիրական նախաձեռնության աջակցությամբ Հայոց ցեղասպանության թանգարան-ինստիտուտը կվերահրատարակի Ավրորա Մարդիգանյանի գիրքը՝ համալրված ծանոթագրություններով:

««Ավրորա» մարդասիրական նախաձեռնությունը տարիներ շարունակ սերտորեն համագործակցել է Հայոց ցեղասպանության թանգարան-ինստիտուտի հետ եւ ուրախ է աջակցել հատկապես այս նախագծին, քանի որ մեր նախաձեռնությունը ոգեշնչվել է Ավրորա Մարդիգանյանի պատմությամբ եւ կրում է նրա անունը»,- ասել է «Ավրորա» մարդասիրական նախաձեռնության նախագահ Թոմ Քաթինան:

Գիրքը վերահրատարկվում է Հայոց ցեղասպանության թանգարան-ինստիտուտի հրատարակչական նոր՝ «Հայոց ցեղասպանությունը վերապրածների հուշագրությունների մատենաշար» նախագծով, որի շրջանակում լույս կտեսնեն Ցեղասպանությունը վերապրածների անտիպ հուշերը:

«Հոշոտված Հայաստան» գիրքը կվերահրատարակվի անգլերեն եւ հայերեն՝ 20 էջ ծանոթագրություններով: Անգլերենը լույս կտեսնի 2000 օրինակով, հայերենը՝ 1000:

«Ե՛վ թանգարան-ինստիտուտի, ե՛ւ նախաձեռնության նպատակն ընդհանուր է՝ բարձրացնել Հայոց ցեղասպանության մասին հանրային իրազեկվածությունը, պայքարել ու կանխարգելել այսօր տեղի ունեցող ցեղասպանությունները եւ օգնության ձեռք մեկնել նման ողբերգությունների միջով անցնող ժողովուրդներին»,- ասել է Հայոց ցեղասպանության թանգարան-ինստիտուտի տնօրեն Հարություն Մարությանը:

https://mediamax.am/am/news/society/39281/?fbclid=IwAR0yzRaVAjTmXpUvf-D0kCsTM8pA9huZp-ssNwSVRzOlOUZKs_EKf5KTv5s