Թուրքիան միակ երկիրն է, որը պատերազմի ճակատ է բացում ամենուր. Հունաստանի ԱԳՆ

Թուրքիան միակ երկիրն է, որը պատերազմի ճակատ է բացում ամենուր եւ սպառնում է իր հարեւաններին, եթե նրանք ցանկանում են օգտվել իրենց օրինական իրավունքներից: Այս մասին հայտարարել է Հունաստանի արտաքին գործերի նախարար Նիկոս Դենդիասը:

Հունաստանի դեմ Թուրքիայի գործողություններն «ուղղված չեն միայն ԵՄ անդամ մի երկրի դեմ», – Դենդիասի խոսքերը մեջբերում է հունական City Times-ը: Ըստ նրա` Եվրոպային անհրաժեշտ է «ամբողջովին դիմադրել Թուրքիայի գործողություններին եւ վճռականորեն, առանց երկմտելու պատասխան տալ թուրքական մարտահրավերներին»:

«Եվրոպան ունի դա անելու բավականին արդյունավետ հնարավորություն: Ընտրությունը պարզ է. Երկխոսություն` առանց սպառնալիքների եւ շանտաժի կամ պատժամիջոցների»,- ասել է նա:

Դենդիասի խոսքով` Հունաստանը միշտ պատրաստ է բանակցել Թուրքիայի հետ, բայց միայն միջազգային իրավունքի շրջանակներում` առանց «շանտաժի ու սպառնալիքների»: «Թուրքիան միակ երկիրն է, որը պատերազմի ճակատներ է բացում ամենուր, միակ երկիրն է, որը սպառնում է իր հարեւաններին պատերազմով, եթե նրանք որոշում են օգտվել իրենց օրինական իրավունքներից, ինչը կոպտորեն խախտում է ՄԱԿ-ի կանոնադրությունը»,- ասել է նա:

https://news.am/arm/news/601079.html