«Ե՞րբ տրուեցաւ հայերը բնաջնջելու որոշումը» նիւթով քննարկում

ՈՒԵՍԹՈՒՈՒՏ․- Կազմակերպութեամբ Քալիֆորնիոյ համալսարանի Լոս Անճելըսի մասնաճիւղին (UCLA) մէջ հաստատուած «Խոստումը» հայկական հիմնարկին, համագործակցութեամբ Հայագիտական ուսմանց եւ ուսումնասիրութեանց ազգային միութեան, «Արարատ-Էսքիճեան» թանգարանին, UCLA-ի Ռիչերտ Յովհաննէսեանի անուան Արդի հայոց պատմութեան ամպիոնին եւ նոյն համալսարանին Մերձաւոր Արեւելքի ուսմանց ամպիոնին՝ 14 Սեպտեմբերին, առաւօտեան ժամը 11էն սկեալ, «Ե՞րբ տրուեցաւ հայերը բնաջնջելու որոշումը» նիւթով առցանց քննարկում մը տեղի պիտի ունենայ։

Քննարկումը պիտի առաջնորդէ պատմաբան դոկտ․ Թաներ Աքչամ, իսկ համակարգողն է՝ փրոֆ․ Տըրք Մոզես։

Քննարկումին մասնակեցելու համար այցելել https://ucla.zoom.us/webinar/register/WN_hYCQetCmS8e9Rj5tRu8NfA կայքէջը։

Asbarez.com