Վանի հայկական եկեղեցիները օրեցօր քանդվում են. Թուրքական կայքի անդրադարձը

Թուրքական Gazeteduvar կայքն անդրադարձել է Վանի նահանգում գտնվող եւ գանձագողերի ու լքված լինելու հետեւանքով քանդվող հայկական մի քանի եկեղեցիներին։

Gazeteduvar–ը գրել է. «Հոգեւոր տուրիզմի կենտրոն համարվող Վանի հայկական եկեղեցիներից Սուրբ Բարդուղեմեոսը արդեն երկար ժամանակ սպասում է վերականգման, սակայն մինչ հիմա որեւէ քայլ չի արվել, եւ եկեղեցին շարունակվում է քանդվել։

Վանի քանդվող եկեղեցիներից է Սուրբ Գեւորգ եկեղեցին եւ Սուրբ Աստվածածին վանական համալիրը։ Մինչեւ 90–ականները կանգուն եկեղեցուց այս պահին մի պատ է մնացել, իսկ վերջին տարիներին անմիջապես հարեւանությամբ մզկիթ են կառուցել։

Վանի Արծվաբեր վանքի Սուրբ Խաչ եկեղեցին եւս ոչնչնացման եզրին է եկեղեցու ներսում  գանձագողերի կողմից իրականացվող հորատումների պատճառով։

Ոչնչացման եզրին է գտնվում նաեւ Վանա լճի Լիմ կղզում գտնվող հայկական վանքը, որը եւս սպասում է վերականգնման»։

News.am