«Հայրենիքի անունից սխրանքներ գործել եւ հաւատալ յաղթանակին. ահա սա՛ է մեր ուժի աղբիւրը». Դուշման

Կրակի մկրտութեամբ Դուշման անուանակոչուած ազատամարտիկ Վարդան Ստեփանեանը ապրեցաւ 26 տարի։

1992 թուականի յուլիս 3-ին, Արցախի Միւրիշէն գիւղի մերձակայքը, դաւադիր ականի պայթումին հետեւանքով նահատակուեցաւ Դաշնակցական ազատամարտիկ Դուշման Վարդանը, իր ընկերներուն` Երոյի (Արմէն Երիցեան) եւ Արայիկի (Արա Աւագեան) հետ, երբ մարտական առաջադրանք կը կատարէին ԼՂՀ Մարտունի շրջանին մէջ:

Շուշի մտած հայկական յաղթական ստորաբաժանումներուն մէջ առաջիններէն էր Աշոտ Բեկորի գլխաւորած Դաշնակցական վաշտը, որուն մէջ էր նաեւ Դուշման Վարդանի գլխաւորած խումբը:

Դուշմանը մասնակցած է Իջևանի և Նոյեմբերեանի շրջաններուն մէջ տեղի ունեցած մարտերուն, Արցախի Տող գիւղի, Խոջալուի, Ստեփանակերտի ազատագրման մարտերուն։

Յետ մահու պարգևատրուած է «Մարտական խաչ» առաջին կարգի շքանշանով:

Horizonweekly.ca