Թուրքիայի դատախազությունը պահանջում է 5 տարվա ազատազրկում հայկական եկեղեցու դռան վրայից խաչը պոկած քաղաքացու համար

Ստամբուլի հանրապետական դատարանն ավարտեց հետաքննությունը այն քաղաքացու գործի վերաբերյալ, ով պոկել էր խաչը Ստամբուլի Սուրբ Գրիգոր Լուսավորիչ հայկական եկեղեցու դռան վրայից։

Այս գործով դատախազը մեղադրյալ Մազլում Սերինի համար պահանջում է 5 տարի 4 ամիս ազատազրկում՝ «աղոթավայրերի և գերեզմանատների վայրերը վնասելու» մեղադրանքով:

Հիշեցնենք, որ մայիսի 27-ին թուրք քաղաքացին պոկել էր Ստամբուլի Սուրբ Գրիգոր Լուսավորիչ եկեղեցու դռան խաչը: Տարածքի տեսագրության ուսումնասիրության արդյունքների համաձայն՝ ոստիկանությունը ձերբակալել է տղամարդուն և նրան ազատ արձակել՝ չհեռանալու մասին ստորագրության հիման վրա։

https://www.yerkir.am/news/view/204878.html