Ատելության մթնոլորտը խլեց ևս մեկ կյանք․ Կարո Փայլանը քրդական երաժշտության պատճառով սպանության մասին

Թուրքիայի քրդամետ Ժողովուրդների դեմոկրատական կուսակցությունից (HDP-ԺԴԿ) ընտրված հայ պատգամավոր Կարո Փայլանն անդրադարձել է քրդական երաժշտություն լսելու համար Թուրքիայում 20-ամյա երիտասարդի սպանությանը։

«Ատելության մթնոլորտը ևս մեկ կյանք խլեց։ Բարըշ Չաքանը սպանվեց ռասիստական սպանությամբ, քանի որ նա քրդական երգ էր լսել։ Իշխանությունն է պատասխանատու ատելության հանցագործությունների համար՝ իր իրականացրած ատելության քաղաքականությամբ։ ԱՄՆ-ում ռասիզմի մասին խոսելով՝ երկրում ռասիզմը չտեսնելն ուղղակի երեսպաշտություն է»,- գրել է Կարո Փայլանը։

Հիշեցնենք, որ մայիսի 31-ին Անկարայում 20-ամյա երիտասարդը սպանվել էր՝ ավտոմեքենայում քրդական երաժշտություն լսելու պատճառով։

Նշվում է, որ 3 հանցագործ դանակով հարվածել են երիտասարդի սրտին։  Դեպքի առնչությամբ Անկարայի հանրապետական դատախազությունը հետաքննություն է սկսել։ Հանցագործները ձերբակալել են։

Panorama.am