Թուրքիայի նախագահ Ռեջեփ Թայիփ Էրդողանը Ռամադան տոնի առթիվ շնորհավորական ուղերձ է հղել ԱՄՆ-ի բոլոր մուսուլմաններին՝ իր խոսքում նշելով, որ Թուրքիան շարունակելու է պայքարել իսլամաֆոբիայի դեմ և թույլ չի տալու պաղեստինյան հողերի զավթում: Այս մասին տեղեկացնում է «Անադոլու» գործակալությունը:
«Մաղթում եմ, որ այս սուրբ օրերը խաղաղության խորհրդանիշ լինեն ամբողջ իսլամական աշխարհի համար: Աղքատության հետ կապված խնդիրները, ահաբեկչությունը, իսլամաֆոբիան, ռասիզմը, հիվանդություններն ու տարբեր հակամարտությունները կարող են լուծվել միայն մեր միասնական համագործակցությամբ: Անցյալ շաբաթների ընթացքում մենք Իսրայելի կողմից շրջափակման նոր փորձի ականատես եղանք: Մենք թույլ չենք տալու, որ պաղեստինյան հողերն անցնեն ինչ-որ մեկին»,-նշել է Էրդողանը:
Նա նշել է նաև, որ ԱՄՆ-ում մուսուլմանները գրեթե ամեն օր բախվում են իսլամաֆոբիայի, ինչը կասկածի տակ է դնում միջազգային կառույցների գործունեության արդյունավետությունը:
Leave a Reply