Թուրքիայում գործարկված «Էլեկտրոնային պետություն» նախագիծն սկսել է նաև կրոնափոխության հնարավորություն ընձեռնել

Թուրքիայում գործարկված «Էլեկտրոնային պետություն» նախագիծն սկսել է օգտատերերին նոր հնարավորություններ տալ։ Այսպես, օրինակ, այլևս հնարավոր է դարձել այդ կայքէջի միջոցով փոխել կրոնը։ Այդ մասին, ըստ Akunq.net-ի, հայտնում է Hristiyanhaber.net կայքէջը։

Աղբյուրի համաձայն՝ նման հնարավորությունից օգտվել կարողանալու համար անհրաժեշտ է կիրառել ոչ միայն «Էլեկտրոնային պետության» գաղտնագիրը, այլ նաև՝ էլեկտրոնային ստորագրություն ունենալ։

Կրոնը փոխելը հնարավոր է «Գրանցման մեջ կրոնի փոփոխություն» էջ մուտք գործելու միջոցով։ Հարկավոր է միայն օգտագործել էլեկտրոնային ստորագրություն։ Այդպիսով՝ նախկինում միայն Թուրքիայի գրանցումների վարչության կողմից կատարվող այդ գործողությունն այլևս հնորավոր է դարձել իրականացնել օնլայն տարբերակով։

Հիշեցնենք, որ Թուրքիայի ներքին գործերի նախարարության բնակչության և քաղաքացիության հարցերի գլխավոր վարչության «էլեկտրոնային պետություն» նախագծի շրջանակներում գործարկված կայքէջում Թուրքիայի քաղաքացիներին հնարավորություն էր ընձեռվել տեղեկություններ ստանալ նախնիների մասին և կազմել իրենց տոհմածառերը:

Թարգմանեց Մելինե Անումյանը

Akunq.net