«Անատոլիական պատմությունը»՝ թուրք հեռուստադիտողների համար

ԱԺ պատգամավոր, ԳԿՄՍԵՍ հանձնաժողովի նախագահ Մխիթար Հայրապետյանը հեռախոսազրույց է ունեցել ֆրանսահայ անվանի կինոռեժիսոր և դերասան,
«Անատոլիական պատմություն» 16 մասանոց ֆիլմի գլխավոր դերակատար Սերժ
Ավետիքյանի հետ։

«Ուրախությամբ պետք է հայտնեմ, որ Հանրայինի բարձրորակ, ուսուցողական և
դերասանական փայլուն կազմով սերիալը, որը սիրվեց հայ հանրության կողմից,
ամենայն հավանականությամբ, առաջիկա ամիսներին հասանելի կլինի նաև
օտարերկրյա հեռուստադիտողին։

Սերժ Ավետիքյանը և թիմակիցները նախատեսում են 4 մասից բաղկացած
(յուրաքանչյուրը՝ 45 րոպե) ֆիլմ ստանալ՝ անգլերեն, ֆրանսերեն և թուրքերեն
լեզուներով։ Ինչ խոսք, փայլուն գաղափար է, առավել քան վստահ եմ, որ ֆիլմը
հաջողելու է նաև միջազգային հարթակներում», – նշել է պատգամավորը:

Lragir.am