Ավստրալիայի պատգամավորները խոստանում են այսուհետ աջակցել երկրի կողմից Հայոց ցեղասպանության ճանաչման ջանքերին

Այս տարի Ավստրալիայի դաշնային խորհրդարանականները միացել են Հայոց ցեղասպանության հանդեպ երկրի դիրքորոշումը փոխելու կոչին, նշում է Ավստրալիայի Հայկական ազգային հանձնաժողովը (ANC-AU)։ Հանձնաժողովի համաձայն, Հայոց ցեղասպանության հարցում Ավստրալիայի դիրքորոշումը 2020թ․ մնացել է անփոփոխ։

«Սակայն դաշնային խորհրդարանականներ Տրենտ Ցիմերմանի, Ջոել Ֆիթցգիբոնի, Թիմ Ուիլսոնի, Քրիստինա Քենիլիի, Ադամ Բանդտի եւ Ռեքս Պատրիկի, ինչպես նաեւ Նոր Հարավային Ուելս նահանգի վարչապետ Գլեդիս Բերեջիքլյանի, ստվերային գանձապետ Ուոլթ Սեկորդի եւ Օրենսդրական ժողովի խոսնակ Ջոնաթան Օ՛Դիի մեսիջները, որոնք ճիշտ են բնորոշում 1915թ․ իրադարձությունները որպես ցեղասպանություն, խոսում են այն մասին, որ Կանբերայի դիրքորոշմանն աջակցելը անհնար է դառնում»,- նշում է հանձնաժողովը։

«Ճշմարտությունը, որին հավատարիմ է Ավստրալիան, այն է, որ Օսմանյան կայսրության ձեռքերում Հայաստանի վերապրածը ցեղասպանություն չի եղել»,- նշում է ANC-AU-ի գործադիր տնօրեն Հայկ Կայսերյանը՝ նշելով, որ «դա վիրավորական եւ անընդունելի է մեր՝ ցեղասպանությունը վերապրածների համար, որոնք հպարտորեն Ավստրալիան տուն են անվանում»։

News.am